05 août 2020

Les assises de Marthon

1448-1466. - Extraits des papiers des assises prévotales de Marthon.

(Après le 16 Mai 1448.)

C'est l'extraict des pappiers de la jurisdiccion tant des grans assises que prévosté de la baronnye, terre et seigneurie de Marthon...

Et au XIIIe feuilhet et secunde page est contenue l'article subsequent.

Item plus sont bailhez troys villages assis en la paroisse de Sainct Germain, c'est assavoir le Boues et le village de l'Echalle et ung autre tenant au ceulx la, perpetuelment : qui se y dira avoir droit ou y vouldra plus mectre se tire avant et sera etc.

Et au fueilhet suyvant, en la première page est l'article qui s'ensuit.

L'assise de Marthon tenue aud. lieu par moy Bertrand Farinard prévost d'icelle pour noble et puissant seigneur dud. lieu, le jeudi XVe jour du moys d'apvril l'an mil IIII LI,

Aujourduy a esté cryé secondement que le village de Montgelies, en la parroisse de Charras, et le village du Boues, en la parroisse de Fouilhade, et le village de Blanchart, en la parroisse de Charras, et les villages de la Rochete et de la Pailherie, en la parroisse de Vouzen, et les villages du Boues et de l'Eschalle et ung autre tenant au ceulx la en la parroisse de Sainct Germain, sont bailhez lesd. maygnez perpetuelment a rente; qui se y dira avoir droit ou y vouldra plus mectre tire se avant, et le die, et il y sera receu.

Et en la seconde page dud. fueilhet et au commancement est escript l'article suyvant.

Aujourduy a esté cryé tiercement par bang général que lo Mongelies en la parroisse de Charras, et lo village du Boues en la parroisse de Fouilhade et le village de la Rocheta, et le village de la Pailhera en la parroisse de Vousen, et les villages du Boues, de l'Eschalle, et ung autre village tenant a iceulx sont bailhez perpetuelement; qui si dira avoir droit et y vouldra plus donner, que se tira avant et il y sera receu.

(Après le 21 Février 1465-66.)

Autre extraict d'un autre pappier d'assise prévostalle de la baronnye terre et seigneurie de Marthon.

Et au ve fueillet de la seconde page est escript l'article qui s'ensuit.

Ont esté condempnez de leur consentement et volunté Jacques de las Aumosneries et Jehan Jarreton demourant en la paroisse de Chazelle construire bastir et édiffier une maison bonne et compectente dedans troys ans prouchain venant en ung maynement appellée de la Combe, lequel il tenent de mons-assis en la paroisse Sainct Paul.

Et au XIe feuilhet et première page d'icelly est contenu l'article qui s'ensuit.

Led. procureur demandeur contre Pierre Tortazeau deffendeur et sur la question que led. deffendeur tient le maynement de Tourtazeau au pris de XV boysseaux d'avoyne de l'année passée et de deux ans pour avant et sur ce led. deffendeur a requis dillacion de conseilh...

Et au XVIe feuilhet et premiere page est contenu l'article qui s'ensuit.

Led. procureur demandeur contre Pierre Tortazeau deffendeur, comparessant lesd. personnes cum fust a res pondre, a requis actente de conseilh.

Et au XVIIIe feuilhet et seconde page, est l'article subséquent..

Le procureur de la court demandeur contre Pierre Tor tazeau deffendeur, comparessant lesd. parties, appoincté que led. procureur fera la monstrée ou déclaracion a luy.

Et au XXe fueilhet et seconde page d'icelluy et l'article qui s'ensuit.

Led. procureur demandeur contre Pierre de Tortazeau deffendeur sur la question de XV s, des ventes et honneurs de ce qu'il a acquis de Pierre Broilhet, a esté condempné a payer lesd. XV [s.] et bailher pour déclaracion cesd. lieux.

Et au XVIe fueilhet et seconde page est contenu l'article qui s'ensuit.

Le procureur de la court demandeur contre Pierre de Tortazeau, deffendeur a bailhé pour déclaracion et ainsi envoyé.

Arch. de la Charente, E: 77.

(Société archéologique et historique de la Charente, 1901)

Posté par : ID348347 à - Permalien [#]